Oh beautiful, be gone

Oh beautiful, mistake of nature,

How on earth are you nurtured?

Oh gentle, like as a dove so gentle,

This world is too cruel for you to settle.

Away to paradise, be gone;

Life is too sad to make it your own.

Oh beautiful, beauty of no measure,

Flee from this world of short while pleasure.

Engmah lo mai ka ni

Min luah a, min nei zova,

Nghilh ni i awm thei lo.

I hmaah chuanin maw e

Ka chapona hi a bawkkhup a;

Ka intihveina hi a tlusawp a;

Ka huaisenna hi a tlawm a;

Ka tisa awmkhauh hi a khur asin!

Thudi hril tur ka ngah vei nen,

Ka lei hian sawi tur a van ruai a,

Ka ka a chih tlat a, a ang thei lo.

I lakah chuan ka nep em a,

Ka mizia ka bo zo a,

Ka nundan ka hloh zo a;

Lairilan ka zam lua em a,

Tunge ka nih ka hre ngam lo.

Min phuar rawh

Eng nge ka lungkham ang a,

Eng nge ka thlakhlelh ang le?

Engin nge min chimbuai ang a

Engin nge min tilunghnur ang le?

Ka lung hertu hian min hersan loh ahnu

Eng vangin nge ka buai tehreng ang le?

Hrehawm rau rauah amah vang a nih ahnu

Eng vangin nge ka tawrh zawh loh ang le?

Hetiang ka hriatin lunglen ka nuam a

Titi phunglenga thawi dam ka phal lo

Sual phuar phelha zalen hnu ngei hian

A zun leng zama zem ka hnial love

Thui tak thlengin lung chu leng se

Nghet takin a zunin min phuar teh se