Nun inthlak

Mipa ka ni a, nat ka tum lo.

Rilru na hi awm theiin ka ring lova,

Rilru hah hi hmeichhe tih turah ka ruat.

Lunglen hi thinlunga sawngnawite chan a ni a,

‘Zawltling vawn nat’ hi an ta bil niin ka ngai.

Hmeichhe laka luanliam ka tum lova,

Anni ngaia rum ka tum hek lo.

Nang ka tawng che a, ka dang zo ta!

Ka ngaihdan ka bosal a, ka nunphung ka hloh.

I lakah ka thinlung a sawngnawi a,

|ah leh r<m ka sam ta riau mai.

Nang ka hmuh loh hian ka khua a har a,

Nem muka, sawi muka, liam zawih zawihin

I tawnah ka luangliam e.

Dingkhawr ka ni a, vei ka hmang thiam lo;

Ka nun dinglam i ni, kei a veilam,

I tel lovin nun ngaihna reng ka hre love.

Ka chakna hnar i ni, ka derdepna khur nen pawh;

Ka tih theih loh min tihtir theitu i ni a,

Lunglenna sala min hn<k luttu pawh i ni e.

I kiang lovah ka tlei zo lo.