Engmah lo mai ka ni

Min luah a, min nei zova,

Nghilh ni i awm thei lo.

I hmaah chuanin maw e

Ka chapona hi a bawkkhup a;

Ka intihveina hi a tlusawp a;

Ka huaisenna hi a tlawm a;

Ka tisa awmkhauh hi a khur asin!

Thudi hril tur ka ngah vei nen,

Ka lei hian sawi tur a van ruai a,

Ka ka a chih tlat a, a ang thei lo.

I lakah chuan ka nep em a,

Ka mizia ka bo zo a,

Ka nundan ka hloh zo a;

Lairilan ka zam lua em a,

Tunge ka nih ka hre ngam lo.