Tu tan hring chang che maw?

Romei leh nang ngaih - a zam chiai e

Aw, a rei lo lua em e

Chhingkhual in chan chhung ni

Vulmawi, kei ka tan i par si lo maw?

Vahkhuai leh sirva leng ianga

I par zu dawn a rem lo maw?

Tu tan tak hring chang che maw?

Nunhlui leh i zun - ngaihlai a na e

Chhunni tam lo vei hian min hnem zo lul si lo

Nunnem hmelţha, ka tan i rem lo maw?

Ka tan runlum nuthai changin

Hraileng chawi a rem lo maw?

Tu tan tak hring chang che maw?

Kan run leh kei zawng – kan riang ngei e

Lawilut awm ta lo chu kan ruak lua em asin

I tan kei hi ka mawi ve lo maw?

Ka lairil i luah iang lo hian

I lunglai ka luah si lo maw?

Tu tan tak hring chang che maw?

Nang leh i lawi run – in mawi awm e

Kumsul tam pawh vei se in chuai ve awm love

I duhthlan lungdi chu tu tak ni maw?

Kei ariang dungthul reng hian

A thinlai khamtu ni che maw?

Tu run tak lawi ang che maw?

Kham hrui leh nang ngaih – a sei ngei e

Tawptik reng awm si lovin, chinlem reng nei si lo

Dawn bang lovin hringnun ka hmang ang maw?

I lunglentu si lo hi

Nang ngai reng hian ka fam ang maw?

Ka tan i piang lul lo maw?